میترۆ
لە سەرلەبەیانی ئەمڕۆوە ڕۆژنامەنوسانی کەرتی گشتی و تایبەتی لە یۆنان مانگرتنیان لە کارەکەیان ڕاگەیاندووە، ئەمەش وەک ناڕەزایەتیەک لە دژی ڕێکارەکانی حکومەت بۆ كهمكردنهوهی خهرجیهكان و زیادکردنی داهات.
فیدراسیۆنی رۆژنامهنووسانی یۆنان ڕایانگەیاندووە کە پاش ئەوەی حکومەتی ئەو وڵاتە بڕیاریداوە باج لەسەر پیشەکەیان زیاتر بکات، هەربۆیە کارەکانیان بۆ ماوەی ٢٤ کاتژمێر ڕاگرتووە و بەوهۆیەشەوە سبەینێ هیچ ڕۆژنامەیەک بڵاونابێتەوە و نوێکردنەوەی ماڵپەڕە ئەلەکترۆنییە یۆنانیەکانیش ڕاگیراوە.
ئەمەش لە کاتێکدایە کە پێشتریش کەشتیوان و شۆفێری هاتوچۆی گشتی و کارماندانی کۆنتڕۆڵی فڕۆکە ئاسمانییەکان مانگرتنیان بە شێوازی جیاواز ڕاگەیاندبوو.
هەتا ئێستاش حکومەتی یۆنان بەدەست قەیرانی ئابوری و نەبونی پارەی نەختینەییەوە دەناڵێنێت و قەرزێکی نێودەوڵەتی زۆری لەسەرە.
ئاژانس