سێشەممە یاداشتێك دەدرێت بە وەزارەتی رۆشنبیری
PM:01:35:09/09/2017

میترۆ، سلێمانی
سەنتەری میترۆ بە هاوكاری چەند رێكخراوێكی كۆمەڵی مەدەنی و چالاكوانی بواری مافەكانی ژنان ئامادەسازی دەكەن بۆ رێكخستنی چالاكییەك بە ئامانجی رێگرتن بەو توندوتیژی و سوكایەتییەی هەندێك كەناڵی میدیا بەرهەمیدێنن.

ئەمڕۆ سەنتەری میترۆو رێكخراوی پاڵپشتی میدیای نێودەوڵەتی IMS پێشوازییان لە رۆژنامەنوسان لەتیف حسێن و ژووان ئەحمەد كرد كە بە نوێنەرایەتی چەند رۆژنامەنوس و چاكواننێًكی مەدەنی داوایان كرد ئەو هەڵمەتەی پێشتر رایانگەیاندبوو فراون بكرێت، كە بە ئامانجی بەرگرتن لەو سوكایەتی وتوندوتێژییانەی میدیا پەخشی دەكات.

سەنتەری میترۆ پێشوازی لە پێشنیازی ئەو دوو رۆژنامەنوسە كرد و بۆ ئەم مەبەستەش بریارە (كاتژمێر 11ی بەیانی سێ شەممە 12ی ئەیلول لە ئۆفیسی سەنتەری میترۆ) بە ئامادەبوونی نوێنەری وەزارەتی رۆشنبیری و داوكاری گشتی سلێمانی و چەند رێكخراوێكی بواری مافی مرۆڤ یاداشتێك بۆ وەزیری رۆشنبیری حكومەتی هەرێم بنێرن.