کەمپەینی شەڕڤان تیرۆرست نییە، دژی میدیاکانی تورکیا لە هەرێم ڕاگەیەندرا
PM:04:30:31/01/2018
میترۆ، سلێمانی‌ 
کۆمەڵێک ڕۆژنامەنووس لە بەرامبەر بێڕێزێکردن بە شەڕڤانان لە لایەن میدیاكانی‌ توركیا لە هەرێمی کوردستان، کەمپەینێکیان لە ژێر ناونیشانی '#شەڕڤانان تیرۆرست نین، کەمپەینی ڕۆژنامەنووسان دژی سوکایەتییەکانی میدیای تورکیا لە هەرێم' ڕاگەیاند.

 

لە کەمپەینەکەدا کە ئەمڕۆ ڕاگەیەندراوە، داوا لە ڕۆژنامەنووسان کراوە کە تێیدا بەشداری بکەن و ڕێگربن لەوەی کە لە هەرێمی کوردستانەوە بە شەڕڤانان بوترێت تیرۆرسیت وەک سوکایەتییەک بەرامبەر ملیۆنان کورد.

 

دەقی ڕاگەیەندراوی کەمپەینەکە کە وێنەیەکی بۆ ڕۆژنیوز نێردراوە.

 

شەڕڤانان تیرۆرست نین، کەمپەینی ڕۆژنامەنووسان دژی سوکایەتییەکانی میدیای تورکیا لە هەرێم

 

جیاواز لە نەتەوە و بیروڕای سیاسی، ئێمە وەک کۆمەڵێک ڕۆژنامەنووس نیگەرانین لە سوکایەتییەکانی میدیاکانی تورکیا کە نووسینگە سەرەکییەکانیان لە ناو هەرێمی کوردستان و هەولێری پایتەختدایە، لە نێویاندا ئاژانسی ئەنادۆڵی دەوڵەتی تورکیا، کە بەشی سۆرانی ئەو کەناڵە لە هەولێرەوە سوکایەتیی بە ڕەمزەکانی گەلانی ئازادیخواز و گەلی کورد بەتایبەت دەکات.

 

ئەو میدیایەی فەرمی دەوڵەتی تورکیا، لەتەواوی هەواڵ و ڕاپۆرتەکانیدا بە ئاشکرا یاسا ناوخۆیی و نێودەوڵەتییەکانی میدیاییش دەبەزێنێت، لەم دۆخەدا کە لە ڕۆژئاوای کوردستان سوپای تورکیا هێرشی عەفرین دەکات، شەڕڤانان کە زۆرینەیان کوردن و هەموو نەتەوەکانی دیکەش تێیدا بەشدارن، هێرشی تورکیا ناکەن و تەنها بەرگری لە خۆیان و خاکەکەیان دەکەن، لە بەرامبەردا ئەنادۆڵی تورکیا بە تەواوی شەڕڤانان دەڵێت "تیرۆرست"، پێمانوایە پاشگری تیرۆرست بۆ شەڕڤانانی کورد سوکایەتییەکی ئاشکرایە بە تەواوی هەستی نەتەوەی کورد و گەلانی سوریاش دەکرێت، نیگەرانییەکەش ئەوەیە ئەو میدیایە لە هەرێمی کوردستانەوەو بەزمانی سۆرانی و بەبێ سانسۆر ئەو سوکایەتییانە بە کوردان دەکات.

 

ئەوەش لەکاتێکدایە، کە دەوڵەتی تورکیا لە ناوخۆی وڵاتەکەیدا لە بواری ئازادی ڕادەربڕیندا کەوتووەتە بەر ڕەخنەی ناوەندە جیهانییەکان، بەتایبەت دژی ڕۆژنامەنووسانی کورد و نەیارانی حکومەتەکەی ئەردۆغان، سەدان دەزگای میدیایی کوردی داخراون و هەزاران ڕۆژنامەنووس زیندانی کراون، لەبەرامبەردا تەنها داواکاری ئێمە ئەوەیە، کە لایەنە پەیوەندیدارەکان پێش بەو سوکایەتییانە بگرن و بەپێی یاساکانی ناوخۆ و دەرەوە مامەڵە لەگەڵ ئەو میدیایەدا بکەن و چیتر ڕێگا بەو سوکایەتییانە نەدرێت لە ناوخۆی هەرێمی کوردستانەوە بە شەڕڤانانی کورد بکرێت.

 

کەمپەینی #شەڕڤانان تیرۆرست نین، نا بۆ سوکایەتی بە گەلانی ناوچەکە

٣١-١-٢٠١٨

 

تێبینی: ڕۆژنامەنووسان و نووسەران دەتوانن لە ڕێگەی ئەم ناونیشانەوە پشتیوانی خۆیان دەرببڕن، لە کۆتاییدا داواکاری ڕۆژنامەنووسان ڕادەستی وەزارەتی ڕۆشنبیری حکومەتی هەرێمی کوردستان و لیژنەی تایبەتمەندی پەرلەمان و سەندیکا و سەنتەرەکانی تایبەت بە ئازادی ڕادەربڕین دەکرێت.

 

soranpress85@gmail.com

07501191211 سۆران حسێن

009647501191211 viber

 

سۆران حسێن – ڕۆژنامەنووس – سلێمانی

دیاری محەمەد – ڕێکخەری سەنتەری میترۆ - سلێمانی

دڵشاد خۆشناو – ڕۆژنامەنووس و وەرگێڕ - سلێمانی

ڕێزان محەمەد – ڕۆژنامەنووس – سلێمانی

ئەیهان سەعید – ڕۆژنامەنووس – دهۆک

دیاری محمد - ڕۆژنامەنووس - ڕانییە

سەلمان کۆچەری – ڕۆژنامەنووس - ڕانیە

هەڵۆ مەرگەیی - ڕۆژنامەنووس - ڕانیە

جبار عزیز - ڕۆژنامەنووس - ڕانیە

کارزان کریم – ڕۆژنامەنووس – هەولێر

هەژار ئەنوەر – ڕۆژنامەنووس – هەولێر

مەریوان مەلا حەسەن – ڕۆژنامەنووس – هەولێر

هۆزان زوبێر – ڕۆژنامەنووس – سلێمانی

ئاوات پوری – نووسەر و ڕۆژنامەنووس – سلێمانی

ساکار عەبدوڵا – ڕۆژنامەنووس – سلێمانی

ئازاد مستەوفی – ڕۆژنامەنووس - فەرەنسا

دیار عەزیز شەریف - ڕۆژنامەنووس - هەولیر

شادان مستەفا - رۆژنامەنووس - سلێمانی

دانا عومەر - ڕۆژنامەنووس - سلێمانی

هەندرێن فەرج هەورامی - ڕۆژنامەنووس - بەلجیکا

کارمەند بابەکر - ڕۆژنامەنووس - سلێمانی

ئومێد زەنگەنە - ڕۆژنامەنووس - گەرمیان

سەمیرا شەهابی - ڕۆژنامەنووس - سلێمانی

ئاری عەبدوڵـڵا - رۆژنامەنووس - هەولێر