"لە سلێمانی هێرش کرایە سەر تیمێکی کەناڵی کوردستان تی ڤی"
PM:06:46:10/05/2018


میترۆ، سپی‌ میدیا 
بەرپرسی نوسینگەی کەناڵی کوردستان تیڤی لە سلێمانی رایگەیاند، لەلایەن هێزێکی ئەمنییەوە هێرشکراوەتەسەر تیمێکی کەناڵەکەیانو  ئازاریان بە ئەندامانی تیمەکە گەیاندووە.

هۆشیار عەزیز، بەرپرسی نوسینگەی کەناڵی کوردستان تیڤی لە سلێمانی بە سپی راگەیاند، "لە کاتی روماڵ کردنی گرفتەکانی وێستگەیەکی دەنگدان لە بەکرەجۆ لەلایەن هێزێکی ئەمنیەوە هێرش کرایە سەرتیمی کوردستان تیڤی.

وتیشی،" ئەو هێزە ئەمنییە ئازاری زۆریان بە پەیامنێر "شیلان فەرەج" و وێنەگر "توانا حەمە قادر" گەیاندوە و کامێراو مۆبایلیان شکاندون، کە  بەهەزار فەلاکەت لە بن دەستیان دەرباز کراون".

ئەو بەرپرسەی نوسینگەی کەناڵی کوردستان تیڤی لە سلێمانی ئەوەشی خستەڕوو، "تا کوردستان تیڤی بمێنێت ، هێرش بۆسەر تیمەکانیشی دەمێنێت".

ئەمڕۆ پێنجشەمە لە کاتژمێر ٠٧:٠٠ی سەرلەبایانییەوە دەنگدانی تایبەت لە عێراق و هەرێمی کورستان دەستیپێکرد، کە لە هەرێمی کوردستان ٢٤٧ هەزار و ٤٢٢ کەس دەچن بۆسەر سندوقەکانی دەنگدان، لەسەراتسەری عێراقیش نزیکەی یەک ملیۆن دەنگدەر مافی دەنگدانیان هەیە،کە هێزە سەربازییەکانو هێزەکانی ناوخۆو نەخۆشخانەکانیش دەگرێتەوە، لە دەرەوەی عێراقیش نزیکەی ٩٠٠ هەزار عێراقی مافی دەنگدانیان هەیە کە لە ٢١ وڵاتانی جیهان دەنگدەدەن.