سه‌ردانی‌ ده‌سته‌ی‌ سه‌ربه‌خۆی‌ مافی‌ مرۆڤ بۆ میترۆ
PM:01:53:17/09/2018
میترۆ، سلێمانی‌ 
به‌یانی‌ ئه‌مرۆ هه‌ر یه‌ك له‌ كاك سابیر عەبدوڵا بەرێوەبەری نوسینگەی سلێمانی دەستەی سەربەخۆی مافی مرۆڤ، بە یاوەری  كاك هاوڕیَ  و میدیا خان كاك عەبدوڵا رەئوف، سه‌ردانی‌ ئۆفیسی‌ سه‌نته‌ری‌ میترۆیانكرد و له‌لایه‌ن دیاری‌ محمه‌د به‌ڕێوه‌به‌ری‌ سه‌نته‌ری‌ میترۆوه‌ پێشوازیان لێكرا. 

ئامانج له‌ سه‌ردانه‌كه‌ی‌ نووسینگه‌ی‌ سلێمانی‌ ده‌سته‌ی‌ سه‌ربه‌خۆی‌ مافی‌ مرۆڤ، كاركردنی‌ هاوبه‌شی‌ نێوان میترۆ و ده‌سته‌كه‌یان بوو. 

سابیر عەبدوڵا بەرێوەبەری نوسینگەی سلێمانی دەستەی سەربەخۆی مافی مرۆڤ ده‌ست خۆشی‌ له‌ به‌ڕێوه‌به‌ر و سه‌نته‌ری‌ میترۆ كرد و وتی‌" میترۆ به‌رده‌وام داكۆكی‌ كاری‌ راسته‌قینه‌ی‌ رۆژنامه‌نووسان بووه‌". 

لای‌ خۆشیه‌وه‌ دیاری‌ محمه‌د به‌ڕێوه‌به‌ری‌ سه‌نته‌ری‌ میترۆ بۆ داكۆكی‌ له‌مافی‌ رۆژنامه‌نووسان ده‌ستی‌ خۆشی‌ له‌ به‌ڕێوه‌به‌ر و ئه‌ندامانی‌ ده‌سته‌ی‌ سه‌ربه‌خۆی‌ مافی‌ مرۆڤ كرد و  له‌به‌رامبه‌ر ئه‌و كاروچالاكیانه‌ی‌ ئه‌نجامیان داوه‌. 

هه‌ر له‌و كۆبوونه‌وه‌یه‌دا دیاری‌ محمه‌د خۆشحاڵی‌ خۆی‌ و میترۆی‌ ده‌بڕی‌ به‌ ئه‌نجامدانی‌ كاری‌ هاوبه‌شی‌ نێوان نیان.