شیرین ئەمین بۆ دیبلۆماتیك: بۆ دوو مەبەست ئامەدم لەگەڵ خۆم برد بۆ پەرلەمان
AM:10:23:08/11/2018


میترۆ، دیپلۆماتیك مه‌گه‌زین
چوونی ئەو لەگەڵ " ئامەد"ی كوڕیدا بۆ پەرلەمان، سەرنجڕاكێشرین دیمەنی ماجەرای دانیشتنی یەكەمی خولی پێنجەمی پەرلەمانی كوردستان بوو.
زیادەڕۆیی نییە ئەگەر بڵێین زۆرینەی چاوی میدیاكان‌و ڕووپەڕی تۆڕە كۆمەڵایەتییەكان لە چەند كاتژمێری ڕابردوودا لەخزمەت شكۆو خۆڕاگری شیرین-دا بوون.

 ڕەنگە كەممان هەبین چیرۆكی ژنێكمان نەبیستبێ‌ كاتێك لەسەرەتای بەهاری تەمەنیدا بوو لەگەڵا ڕۆژنامەنووس (كاوە گەرمیانی) دا، بەڵام لەشەوێكی ساردی زستانداو پێنج ساڵ بەر لەئێستا و لە 12/5/2013 بە بەرچاوی دایك‌و خێزانەكەیەوە لەماڵەكەی خۆیاندا بەچەند فیشەكێكی گەرم شەهیدكراو ناوی ( كاوە گەرمیانی) وەك سۆران‌و سەردەشت‌و چووە لیستی ناوی شەهیدانی قەڵەمەوە.

ناو و بوێری كاوە دوای كوژرانی نەسڕایەوە، هەر بەماوەیەكی كەم لەدوای شەهیدبوونی، خێزانەكەی (شیرین ئەمین) وەك كارەكتەرێكی چالاكی ژن‌و سیمبولی بەرگریكردن لە ئازادی‌و دژایەتی گەندەڵی پێشی پێشەوەی ناڕەزایەتییەكانی دەگرت‌و دەنگێكی دیاری ناو كایەی ناڕەزایەتییەكان بوو.

،،
هەرچەندە (شیرین ئەمین) ناسراو بە شیرین كاوە گەرمیانی، ئەوەندەی وەك ئازادیخوازو چالاكێك دەبینرا، ئەوەندە وەك كەسایەتییەكی حیزبی‌و ساغبووەوە لەسەر لایەنێكی سیاسی دەرنەدەكەوت، بەڵام لەهەڵبژاردنی خولی پێنجەمی پەرلەمانی كوردستان كاندیدی بزوتنەوەی گۆڕان بوو.

هەرچەندە (شیرین ئەمین) ناسراو بە شیرین كاوە گەرمیانی، ئەوەندەی وەك ئازادیخوازو چالاكێك دەبینرا، ئەوەندە وەك كەسایەتییەكی حیزبی‌و ساغبووەوە لەسەر لایەنێكی سیاسی دەرنەدەكەوت، بەڵام لەهەڵبژاردنی خولی پێنجەمی پەرلەمانی كوردستان كاندیدی بزوتنەوەی گۆڕان بوو.


لەبارەی كاندیدكردنیەوە شیرین بۆ دیپلۆماتیك وتی:" ئەو هیچ پەیوەندییەكی ئۆرگانی لەناو ڕێكخستنەكانی بزوتنەوەی گۆڕان‌و هیچ لایەنێكی تری سیاسی نەبووە لەهەرێمی كوردستان، بەڵام چەند جارێك لەلایەن بزوتنەوەی گۆڕان‌و چەند حزبێكی ترەوە داوای لێكرا ببێتە كاندید بۆ هەڵبژاردنی پەرلەمانی كوردستان، دواجار دەستپێشخەرییەكەی گۆڕانی قبوڵكرد، چونكە بە وتەی خۆی گۆِران وەك هێزێكی جەماوەری بەرگریكار لەمافی خەڵك دەبیندرێت‌و لە ڕوانگەی دیدی خۆی و خەڵكەوە لە لایەنەكانی تر پەسەندترە".

یەكێك لەو دیمەنانەی كە لەماوەی 24 كاتژمێری ڕابردووداو لەكاتی سوێند خواردنی پەرلەمانتارارنی خولی پێنجەمی پەرلەمانی كوردستان دەنگدانەوەی هەبوو، بردنی ئامەد بوو بۆ ناو بینای پەرلەمانی كوردستان، ئەمە بووە هۆی ئەوەی كە شیرین وەك هێمای (خۆڕاگری‌و سەبر و سەربەرزی) لە تۆڕە كۆمەڵایەتییەكان نیشانبدرێت.

،،
شیرین  وتی:" بەپێی بەرنامەی كاری فیلمەكە پێویست بوو لەكاتی سوێند خواردنەكەشی لەپەرلەمان ئامەدی لەتەنیشتەوە بوایە، بەڵام پرۆتۆكۆلی پەرلەمان ڕێگە نادات هیچ كەسێكی تر جگە لە پەرلەمانتار خۆی بێتە ناو هۆڵی پەرلەمانەوە".

شیرین لەوبارەیەوە بە دیپلۆماتیكی وت:" بردنی ئامەد بۆ بینای پەرلەمان دوو ئامانجی هەبوو، یەكێكیان گەیاندنی پەیامێك بوو بەو دەسەڵاتەی كاوەی تیرۆركرد، وەك ئەوەی نیشانی بدات كە (كاوە) تیرۆردەكرێت چەندان كاوەی تر بەڕێگاوەن بۆ گەیاندنی دەنگی ئازاد، هەروەها پەیامی دووەمیان كە یەكەمین جارە بۆ میدیا ئاشكرای دەكات ئەوەیە كە بە مەبەستی تۆماركردنی چەند گرتەیەكی ڤیدیۆیی بۆ كارێكی فیلم سازی لەسەر ژیانی كاوە گەرمیانی، ئامەدی لەگەڵ خۆی بردووەتە ناو بینای پەرلەمان.


شیرین زیاتر وتی:" بەپێی بەرنامەی كاری فیلمەكە پێویست بوو لەكاتی سوێند خواردنەكەشی لەپەرلەمان ئامەدی لەتەنیشتەوە بوایە، بەڵام پرۆتۆكۆلی پەرلەمان ڕێگە نادات هیچ كەسێكی تر جگە لە پەرلەمانتار خۆی بێتە ناو هۆڵی پەرلەمانەوە".

(شیرین ئەمین عەبدولعەزیز) كە لەدوای تیرۆركردنی ڕۆژنامەنوس كاوە گەرمیانییەوە ناوی ( كاوە گەرمیانی) وەك پاشناوی دووەم و سێیەمی خۆی هەڵگرتووە، بە 30 ساڵی تەمەنییەوە كاندیدێكی گەنج ژمارە (30 ) لەناو لیستی بزوتنەوی گۆڕانی پێدرابوو، لەناو 241 كاندیدی ئافرەت لەسەرجەم قەوارە بەشداربووەكانی هەڵبژاردنی پەرلەمانی كوردستان بە بەدەستهێنانی نزیكەی 14 هەزار دەنگ، بوو بە یەكەم دەنگی ناو كاندیدە ژنەكان‌و بەبێ‌ كۆتای ژنان سەركەوت بۆ خولی پێنجەمی پەرلەمانی كوردستان.


شیرین دەڵێت:" لەبەر ئەوەی لای خەڵك ڕونبوو كە ئەوان هەڵگری پەیامی كاوە گەرمیانی دەبن كە ئەوەش پەیامی حەقەو ئامانجی شەخسی تێدا نییە، بۆیە توانیویانە لەسەر ناو و پەیامی كاوە گەرمیانی متمانەی بەشێكی زۆری خەڵك بەدەست بهێنن".

،،
شیرین دەڵێت:" لەبەر ئەوەی لای خەڵك ڕونبوو كە ئەوان هەڵگری پەیامی كاوە گەرمیانی دەبن كە ئەوەش پەیامی حەقەو ئامانجی شەخسی تێدا نییە، بۆیە توانیویانە لەسەر ناو و پەیامی كاوە گەرمیانی متمانەی بەشێكی زۆری خەڵك بەدەست بهێنن".

ئەگەر لەڕابردودا شیرین‌و خانەوادەكەی نیگەرانییەكیان هەبووبێ‌ لە ئەدای پەرلەمانتاران‌و بەشێك لە حزبەكان سەبارەت بە كەیسی ڕۆژنامەنووسی تیرۆركراو كاوە گەرمیانی، ئەوا ئەمڕۆ تا 4 ساڵی تر (شیرین) خۆی وەك هاوسەری ڕۆژنامەنووس كاوە گەرمیانی لەپەرلەمانە.

دیپلۆماتیك لەوبارەیەوە پرسیاری ئاراستەكردو شیرین وتی:" ناكرێ‌ بەربژێركردنی ئەو بۆ پەرلەمان بەتەنها لە كەیسی كاوەو وەرگرتنی حەقی كاوەدا كۆبكرێتەوە، بەڵكو دەبێت وێنە گەورەكە ببیندرێت كە سەركەوتنی (شیرین) سەركەوتنی ئیرادەی ئازادیخوازان و ڕۆژنامەنووسانی ئازادیخوازە، كە دەیەوێت لەو ڕێگەیەوە بەدەسەڵاتی ڕابگەیەنێت تیرۆركردنی دەنگی ئازاد بە مانای وەستان‌و سڕینەوە نایەت".