میترۆ، NRT
سەنتەرێ میترۆ بۆ بەرەڤانیکرن ژ مافێن ڕۆژنامەڤانان بەیاننامەیەک بەڵاڤکر و راگەهاند، سوبەهی ڕۆژا دووشەمبی (١٠ێ کانونا ٢٠١٨ێ) دەمژمێر ١١ێ سپێدێ، ئەنجامێن ڕاپرسیەکێ دەربارەی ئاستێ سەرەدەری و پێدانا زانیاریان ژئالیێ دەزگەهێن حکومی ڤە بەلاڤدکەت.
لگۆری بەیانناما سەنتەرێ میترۆ ب هەماهەنگی دگەل ڕێکخراوا مەدیایا ناڤدەولەتی (IMS) بریارە ل هۆلا جڤاتا پارێزگەها دهۆکێ ب بەرهەڤبوونا ڕێڤەبەر، بەرپرسێن ڕێڤەبەراتیێن گشتی ل دهۆکێ و ڕۆژنامەڤانان ئەنجامێن ڕاپرسیێ بێن ڕاگەهاندن.
ئەیهان سەعید بەرپرسێ سەنتەرێ میترۆ ل پارێزگەها دهۆکێ بۆ دیجیتال مەدیایا ئێن ئاڕ تی ڕاگەهاند، مەرەما وان ژڤێ ڕاپرسیێ نەهێلانا گڤاشتنانە لسەر ڕۆژنامەڤانان و ئەو جۆداهیا ناڤبەرا ڕۆژنامەڤانان د دەزگەهێن حکومی دا تێ کرن.
هەروەسا دا زانین، ئەو ڕاپرسیە لسەر تەڤایا دامودەزگەهێن سنورێ پاریزگەها دهۆکێ پێکئینایە و بۆ دەما مەهەکێ بەردەوام بوویە.