تیمی ڕۆژنامەوانی ئێن ئاڕ تی لە قەزای شەنگال و تەلەعفەر دەستگیرکران
PM:01:29:09/03/2019



میترۆ، NRT
تیمی ڕۆژنامەوانی ئێن ئاڕ تی کە پێکهاتون لە پەیامنێر و کامێرامان لە قەزای شەنگال و تەلەعفەر لەلایەن هێزە ئەمنیەکانی عێراق دەستگیرکران.

پەیامنێری ئێن ئاڕ تی  رایگەیاند، ئەمرۆ شەممە (٩ی ئازاری ٢٠١٩) تیمی ڕۆژنامەوانی ئێن ئاڕ تی بە مەبەستی کاری رۆژنامەوانی بەرەو قەزای تەلەعفەر و شەنگال رۆشتوون و لەلایەن هێزە ئەمنیەکانی عێراق  تیمەکە دەستگیرکراون.

ئاماژەی بەوەشکرد، تیمکە پێکهاتبوون لە پەیامنێر و کامێرامان و شۆفێرێک، تا ئێستا شۆفێرەکە ئازاد کراوە و ئەوانی دیکە لەلایەن هێزە ئەمنیەکانەوە دەستبەسەرکراون.

وتیشی سەرجەم ئامێر و کەلو پەلی رۆژنامەوانیەکەیان دەستیبەسەردا گیراوە.