سبه‌ینێ‌ رێوڕەسمی شەشەمین ساڵڕۆژی تیرۆرکردنی رۆژنامەنوس کاوە گەرمیانی بەڕێوەدەچێت

میترۆ
بڕیاره‌ سبه‌ینێ‌ 5ی‌ كانوونی‌ یه‌كه‌می‌ 2019، رێوڕەسمی شەشەمین ساڵڕۆژی تیرۆرکردنی رۆژنامەنوس کاوە گەرمیانی له‌ قه‌زای‌ كه‌لار بەڕێوەبچێت و تایدا چەند چالاکیەک ئەنجامدەدرێت.

بەپێی راگەیەندراوەی رێوڕەسمەکە لە کاتژمێر 10 ی بەیانی سبەینێ تاجە گوڵینە لەسەر گڵکۆی شەهیدی قەڵەم دادەنرێت.

هەروەها لەهەمان رۆژدا کاتژمێر 3ی‌ پاشنیوەڕۆ رێوڕەسمی سەرەکی دابەشکردنی خەڵاتی ساڵانی کاوە گەرمیانی لە هۆڵی رۆشنبیری گەرمیان دابەشدەکرێت.

کاتژمێر 7:30 خولەکی شەویش کۆبونەوەیەک لە شوێنی تیرۆرکردنی کاوە گەرمیانی لە ماڵی خۆیان بەڕێوەدەچێت.

رۆژنامەنوس کاوە گەرمیانی لەشەوی 5 کانونی یەکەمی ساڵێ 2013 لەبەردەم ماڵی خۆیان وبەبەرچاوی دایکیەوە تەقەی لێکرا و تیرۆرکرا.

لەسەر روداوەکە کەسێک دەستگیرکراوە و دانی بەتاوانەکەیدا ناوە و زیندانی کراوە بەڵام کەس کارەکەی دەڵێن کەسانی سیاسی لە پشت تیرۆرکردنەوەکەین.

PM:08:59:04/12/2019

ئه‌م بابه‌ته 332 جار خوێنراوه‌ته‌وه‌‌