سەنتەرێ میترۆ: ڕۆژنامەڤانێ دهۆکێ ب نەیاسایی هاتیە دەستەسەرکرن
PM:07:45:20/03/2020

سەنتەرێ میترۆ- دهۆک: ڕۆژنامەڤان ئومێد بەڕۆشکی ژلایێ پۆلیسێن دهۆک ڤە هاتە دەستەسەرکرن.

ئەڤرۆ دەمژمێر ۱ی پشتی نیڤرۆ ڕێککەفتی ۲۰/۳/۲۰۲۰ لسەر سکاڵایەکا مەڵا ئیحسان ڕێکانی پەرلەمانتارێ پارتی دیموکراتی کوردستان، ئومێد حاجی بەڕۆشکی ڕۆژنامەڤانێ سایتێ پرس میدیا ژ لایێ بنگەهێ پۆلیسێن نەوروز ل دهۆکێ هاتە دەستەسەرکرن، ئەڤە ژی پشتی ڕۆژنامەڤانێ ناڤهاتی بەحس ل هاتنا مەڵا ئیحسان کری کو بێ خۆە کرەنتینەبکەن ب واستە دەرباز بوویە، جهێ مەترسیێ یە.

هاوکار عزەت بەرپرسێ پرس میدیا ڕاگەهاند، پشتی دیڤچۆنا سەنتەرێ میترۆ دگەل کەسۆکارێن ڕۆژنامەڤانێ دەستەسەرکری، نوچەیێ گرتنا وی پشتڕاستکرن کو بۆ دەمێ دوو ڕۆژا ل بنگەهێ نەوروز یێپۆلیسان هاتیە زیندان (توقیف)کرن، داخازا ئازادکرنا وی دکەن.
ئەم وەکە سەنتەرێ میترۆ بۆ بەڕەڤانیکرن ژ مافێ ڕۆژنامەڤانان داخازا ئازادکرنا ڕۆژنامەڤان ئومێد بەڕۆشکی دکەین و ڕادگەهینین، لگور یاسا ژمارە (۳٥) یا ڕۆژنامەگەری گرتنا وی نەیاساییە، ژبەرکو بێ نەقیبێ سەندیکایا ڕۆژنامەڤان بویە و نابیت لسەر نۆچەیەکی بێ دیڤچۆن و وەرگرتنا ئیفادەیان د ڕۆژا هەینی و بێهنڤەدانێدا بهێتە گرن، بتەنێ گرتنا بڤی شێوەی بۆ تاوانەکا مشهود و مەترسیا ڕەڤینا تاوانباری هەیە، لەو پێدڤیە دادگەهـ سکاڵا سەر ڕۆژنامەڤانێ ناڤهاتی یەکلایی بکەت.
سەنتەرێ میترۆ تکەزیێ لسەر ئازادیا ڕۆژنامەڤانی و جێبەجێکرن و مامەڵەکرن ب یاسایا ڕۆژنامەڤانی دکەین و نابیت ڕۆژنامەڤان لژێر فشار و ب نەیاسایی بهێنە دەستەسەرکرن.

ئەیهان سەعید - نونەرێ سەنتەرێ میترۆ ل پارێزگەها دهۆکێ