رۆژنامەڤانێکی گەرمیان بە کۆرۆنا گیانی لەدەستدا
PM:01:36:06/10/2020

رووداو دیجیتاڵ 

ئەمڕۆ سێشەممە، رۆژنامەڤانێکی گەرمیان بەناوی هێرش سەنگەری دوای تووشبوونی بە ڤایرۆسی کۆرۆنا گیانی لەدەستدا. 
 
سەرچاوەیەک لە تەندروستیی گەرمیان هەواڵەکەی بۆ رووداو پشتڕاستکردەوە و ئاماژەی بەوەکرد، "ئەو رۆژنامەڤانە ئێوارەی دوێنێ دووشەممە بەهۆی خراپیی باری تەندروستییەوە لە نەخۆشخانە خەوێندراوە و بەیانیی ئەمڕۆ گیانی لەدەستداوە".
 
هێرش محەممەد ئەحمەد، ناسراو بە هێرش سەنگەری تەمەنی 36 ساڵان بووە و دانیشتووی قەزای کەلار بووە، پێشتر وەك رۆژنامەڤان لە چەند ‏دەزگایەکی میدیایی لە هەرێمی کوردستان کاری كردووە.‏