عەقلیەتی ئیدارەی شارەكە بڕوایان بە ئازادی میدیا نییە
PM:07:40:02/04/2016

سلێمانی 2ی نیسانی 2016: سەنتەری میترۆ بۆ داكۆكی لە مافی رۆژنامەنوسان رایدەگەیەنێت، رێگری هێزە ئەمنییەكانی كەركوك بۆ روماڵكردنی گردبونەوەیەكی نارەزایەتی مەدەنی و هێمن هیچ پاساوێكی نییە.

ئێوارەی ئەمڕۆ لە گەرەكی رەحیم ئاوای شاری كەركوك گروپێكی مەدەنی، بە مەبەستی دەربڕینی نارەزایی بەرامبەر كەیسی بازرگانیكردن بە نەوتی شارەكەیان، گربونەوەیەكیان رێكخست.

هەر زوو هێزە ئەمنییەكانی ئەو شارە (پۆلیس و ئاسایشی یەكێتی و پارتی) بە مەبەستی بڵاوەپێكرنی گربونەوەكە گەمارۆیان دان و داواشیان لە كەناڵەكانی راگەیاندن كرد كە شوێنی گردبونەوەكە چۆڵ بكەن.
لە كاتی روماڵردنی گربونەوەكە هێزە ئەمنییەكان پەلاماری تیمەكانی كەناڵەكانی NRT,K24,PAYAM, KNN, داو بە قسەی ناشریین و هەرەشە ئامێز داوایان لێكردن وێنەنەگرن و شوێنی گربونەوەكە چۆڵ بكەن.
پەیامنێرانی ئەو كەناڵانە هەر یەك لە ( هێمن حەسەن، ئاڵا هوشیار، تایەر تۆفیق، چیا نوری) وردەكاری هێرش و پەلامارە و رێگری ئەو هێزانەیان بۆ سەنتەری میترۆ باسكردوە و لە راپۆرتی داهاتوی سەنتەری میترۆ ئاماژەیان پێدەكەرێت.
بە پێی لێدوانی پەیامنێرانی ئەو كەناڵانە بۆ سەنتەری میترۆ رێگری روماڵكردنەكە كرا، رێگرییەكان بە فەرمانی ژووری عەمەلیاتی شارەكە بووە كە پارێزگای كەركوك سەرۆكایەتی دەكات.

سەنتەری میترۆ بۆ داكۆكی لە مافی رۆژنامەنوسان رایدەگەیەنێت، رێگری هێزە ئەمنییەكانی كەركوك بۆ روماڵكردنی گردبونەوەیەكی نارەزایەتی مەدەنی و هێمن هیچ پاساوێكی نییە جگە لەوەی عەقلیەتی ئیدارەی شارەكە بڕوایان بە ئازادی میدیا نییە.
میترۆ داوا دەكات رێگرییەكانی بەردەم رۆژنامەنوسانی كەركوك لاببرێت و ئیدارەی شارەكە رێز لە یاسا و مافی رۆژنامەنوسان بگرێت.
بەدرێژایی ساڵی 2015 ئەو پێشێلكارییانەی بەرامبەر رۆژنامەنوسان ئەنجامدراون بریتییە لە (84) رووداوی جۆراوجۆر كە تیایدا (145) رۆژنامەنوس و كەنالًی راگەیاندن سكاڵایان لای سەنتەری میترۆ تۆماركردووە و لەو رووداوانەدا (173) پیًشیًلكاری لەو روداوانەدا تۆماركراون
سەنتەری میترۆ بۆ داكۆكیكردن لە مافی ڕۆژنامەنوسان، ڕێكخراوێكی سەربەخۆی قازانج نەویستە لە ناوەراستی ئابی ساڵی 2009 لە شاری سلێمانی لە لایەن، كۆمەڵێك ڕۆژنامەنوس‌و پارێزەر، دامەزراوە، مۆڵەتی رەسمی لە حكومەتی هەرێمی كوردستان وەرگرتوە.

تا كۆتایی ساڵی 2010 لەلایەن پەیمانگای رۆژنامەوانی جەنگ‌و ئاشتی (IWPR) پاڵپشتی كراوە. لە تەموزی ساڵی 2010 لە كۆنفرانسێكدا لە شاری هەولێر ئەندامانی بۆردی ڕێكخراوەكە هەڵبژێردران. لەسەرەتای 2015 سەرلەنوێ دەستەی بەڕێوەبردنی هەڵبژاردوە.سااَنی 2011 و 2012 و2013 و 2014، راپۆرتی ساڵانەی لەسەر رەوشی ئازادی رۆژنامەنوسی لە هەرێمی كوردستان بڵاوكردۆتەوە.
 

بۆ پەیوەندیكردن:
بەشی تۆماركردن : 07708079999