سەرباری نارەزایەتیەكان، هەرێمی كوردستان ریفراندۆمی سەربەخۆیی ئەنجام دەدات
Fox News
سەڕەرایی نارەزایەتی هەندێ وڵاتی جیهان لە نێویاندا ، ئەمەریكا و عێراق بۆ دواخستنی ریفراندۆم ، هەرێمی كوردستانی عێراق لەسەر ئەنجامدانی ریفراندۆمی سەربەخۆیی خۆی بەردەوام دەبێت كە لە بیست و پێنجی ئەیلوولی داهاتوو لە هەر سێ پارێزگاكانی هەولێر ، سلێمانی ، دهۆك و ناوچە جێی ناكۆكییەكانی نێوان بەغدا و هەرێمی كوردستان بەرێوە دەچێت.بەرپرسانی هەرێمی كوردستان دووپاتیان لەسەر بەرێوەچوونی ریفراندۆمەكە كردووە ئەویش لەبەر پێداگیری و پێشوازی و جۆش و خرۆشی كوردەكان بۆ سەربەخۆیی كە جگە لە كورد سەرجەم گرووپە نەتەوەیی و ئایینەكانی دیكە پێیان وایە كە كوردستانێكی سەربەخۆ كۆتایی بە هەموو ئەو ئێش و ئازار و نەهامەتیانە دێنێت كە كورد بە درێژایی مێژوو چێشتووە.ئارگیۆمێنتی ئەمەریكا بۆ دواخستنی ریفراندۆم ئەوەیە كە شەڕی بەرەنگاربوونەوەی داعش لاواز دەبێت ، بەڵام كورد دەڵێت شەڕاكەتی ڕاستەقینەمان لەگەڵ بەغدا شكستی هێناوە و ئەوان ناچارن هەنگاو بەرەو سەربەخۆیی بنێن.
كورد سوور لەسەر ئەنجامدانی ریفراندۆم لەكاتی دیاریكراوی خۆیدا
Haaretz
سەرباری نەیاری و نەرەزایەتی هەندێ وڵات لەهەمبەر ریفراندۆمی سەربەخۆیی كوردستان كە بڕیاروایە لە بیست و پێنجی ئەیلوولی مانگی داهاتوو بەرێوە بچێت ، كورد سوورە لەسەر ئەنجامدانی ریفراندۆم لەكاتی دیاریكراوی خۆیدا ، هەرچەندە تا ئێستا پرسیاری راپرسییەكە دانەنراوە ، بەڵام پرسیارەكە بەهێزەكە ئەوەیە كە ئایا دەنگ بە دەوڵەتی سەربەخۆیی كوردی لە كوردستان دەدەیت ؟ هەفتەی رابردوو لە وەڵامی نامەی سكرتێری گشتی كۆمكاری عەرەبی كە داوای پاشخستنی ریفراندۆمی كردبوو ، مەسعوود بارزانی سەرۆكی هەرێمی كوردستان بەبیری بەرپرسی كۆمكارەكە هێنایەوە كە سەد و هەشتا و دوو هەزار بەهۆی جینۆسایدەوە گیانیان لە دەستدا كە لەلایەن سەرۆكی پێشووی عێراق سەددام حوسێن ئەنجام درابوو كە لە نێویاندا پێنج هەزار خەڵكی سیڤیلی هەلەبجە لە ساڵی 1988 لەبەر چەكی كیمیاوی هێزەكانی سەددام گیانیان لە دەست دا ، لە هەموو ئەو رووداوانەدا وڵاتانی عەرەبی و وڵاتانی رۆژئاوایی لەكوێ بوون كە دەستیان لە پشتگیری كورد هەڵگرتبوو.
پرسی ریفراندۆمی سەربەخۆیی كوردستان
hamodia.com
سەركردایەتی كوردستانی عێراق دوای ڕزگاركردنی عێراق بە سەرۆكایەتی ئەمەریكا لە دوو هەزار و سێ نەكردبووە ناچاری ، ئەوان بەشداریان لە دامەزراندنی عێراقی نوێ دوای رووخانی سەددام حوسێنیان كرد و دەستووری عێراقیان نووسیوە كە ئەم دەستووری ناسنامەی عێراقی بە كۆمارێكی فیدراڵ و دیمۆكرات پێناسە كردووە ، بەڵام دەرئەنجام حوكمرانی شیعە لە بەغدا ، كورد و عەرەبی سوونەی پشتگوێ خست.بۆیە هەڵمەتی سەرخستنی ریفراندۆمی سەربەخۆیی كوردستان بۆ كوردستان كارێكی گرنگ بووە ، گەرچی ئەگەر ریفراندوم سەربكەوێت ، رەنگە كورد دەستبەجێ سەربەخۆیی ڕانەگەیەنێت بەڵكو لەبری هەرێمی كوردستان خوازیارە بچێتە وتووێژ لەگەڵ بەغدا.
ریفراندۆم بۆ سەربەخۆیی كوردستانە لە عێراق
Middle East Monitor
مەسعوود بارزانی سەرۆكی هەرێمی كوردستان لە دیدار و لێدوانەكانە جیاجیاكانیدا دووپاتی لەسەر ئەوە كردۆتەوە كە ئیتر پرەنسیپی شەراكەت لەگەڵ عێراق بوونی نییە و رێژەی كورد لە نێو سووپای عێراقدا كە پێشتر لە سەدا چل بووە ئەمرۆ زۆر كەمبۆتەوە یان بوونی نییە.بۆیە هەرێمی كوردستان هەڵوێستەكانی ئێستای بەغدا قبۆڵ ناكات.بۆیە ریفراندۆمی سەربەخۆیی كوردستان كە بڕیاروایە بیست و پێنجی ئەیلوولی داهاتوو لە هەر سێ پارێزگای كوردستانی عێراق ، هەولێر ، سلێمانی و دهۆك و ناوچە جێی ناكۆكییەكانی دیكە بەرێوە بچێت ، ویستی خەڵكی كوردستان بۆ جیابوونەوە لە عێراق نیشان دەدات و بۆ سەربەخۆییە.
كوردستان رێگەی خۆی بۆ سەربەخۆیی دەگرێتە بەر
Middle East Online
فرانسیس جایلز
هەرچەندە نەوت لە ساڵی 1927 دۆزراوە ، بەڵام بەریتانیا بۆ وڵاتە داگیركراوەكەی عێراقی ئەو كات كە بەزۆرەملێ هەر سێ ویلایەتی مووسل ، بەغدا و بەسرەی پێكەوە لكاند و عێراقیان دامەزراند نەیویست كە مووسڵ بكەوێتە ژێر دەسەڵاتی توركیا.هەروەها دابینكردنی ئاسایشی سنووری پارێزگا شاخاوییەكانی كوردنشین هۆكارێكی دیكە بوو كە بەریتانیا عێراقی دروست كرد ، ئەمەش كوردانی عێراقی لە دەوڵەتبوون بێبەش كرد ، بەڵام ئەمرۆ كورد هەستاوەتە سەر پێیەكانی و دەرفەتی باشی بۆ رەخساوە كە بەرێگەی دیپلۆماسی و ئاشتیانە و دیمۆكراسیانە بە ریفراوندۆمەوە بە سەربەخۆیی شاد بێت و زەمینەكانی ئێستا بۆ دامەزراندنی دەوڵەتی سەربەخۆ لەبارن.
خهبات