3660 ناونیشانه‌كه‌ سه‌رنجڕاكێشه‌، ئه‌رێ وا نییه‌؟
فاروق حه‌جی مسته‌فا

به‌ده‌گمه‌ن ژماره‌ وه‌ك ناونیشان به‌كار هاتووه‌، هه‌رچه‌نده‌ ژماره‌ بۆ خۆی نهێنییه‌، له‌ به‌ندیخانه‌ و زینداندا، ناوی زیندانیی ژماره‌ی هه‌یه‌، ئیدی ژماره‌ جێی ناو ده‌گرێته‌وه‌، سه‌رباری ژماره‌ی پێخه‌ف و قه‌ره‌وێڵه‌كه‌ی، یان ژماره‌ی كه‌سه‌كه‌، جه‌للاد به‌ ناو بانگی كه‌سه‌كان ناكات، به‌ڵكوو به‌ ژماره‌یان. نووسه‌ری ئه‌م وتاره‌ش به‌ دۆخێكی له‌م جۆره‌دا تێپه‌ڕ بووه‌.


به‌ گشتی، ئه‌م ژماره‌یه‌ (3660) ژماره‌ی ئه‌و رۆژانه‌یه‌، كه‌ زیندانییه‌كی ئاشووریی كوردستانیی له‌نێو زیندانه‌كانی دیكتاتۆریه‌تدا به‌سه‌ری بردوون. واش دیاره‌، كه‌ برای نووسه‌رمان كاك به‌رهه‌م عه‌لی، ئه‌و كتێبه‌ی داناوه‌، ویستوویه‌تی له‌ رێی ئه‌و ژماره‌یه‌وه‌ دوو ئامانج بپێكێت، یه‌كه‌میان قه‌باره‌ی ژماره‌كه‌یه‌، ئێوه‌ له‌گه‌ڵ خۆتاندا به‌قووڵی بیر له‌و ژماره‌یه‌ بكه‌نه‌وه‌. دووه‌میان، نهێنییه‌كانی پشت ئه‌و ژماره‌یه‌، نهێنیی جوگرافیای كوردستان، كه‌ چۆن ئه‌و خه‌ڵكانه‌ی له‌سه‌ر خاكه‌كه‌ی ده‌ژین، خۆیان بۆی ده‌كه‌نه‌ قوربانی، ئه‌مه‌ش واته‌، ئه‌و تۆپه‌كه‌ ده‌خاته‌ به‌ر پێی خۆی. ئاشوورییه‌كی كوردستان له‌پێناوی كوردستاندا ده‌گیرێت، زۆر قورس باجی كوردایه‌تی و بزاڤی رزگاریخوازی كوردستان ده‌دات، ته‌مه‌نێكی زۆر له‌نێو زیندانه‌كانی رژێمی به‌عس به‌سه‌ر ده‌بات. كوردێكیش ماوه‌یه‌ك به‌ نووسینی كتێبێك له‌باره‌ی ئه‌و تێكۆشه‌ره‌ به‌سه‌ر ده‌بات، هه‌روه‌ها ده‌رباره‌ی ژیانی نێو زیندان و گرتووخانه‌كان، له‌نێوان هه‌ردوو دۆخه‌كه‌شدا، چه‌ندین وێنامان ده‌خاته‌ به‌ر چاو:
-رۆحی هاوكاری، كه‌ خۆی ده‌سه‌پێنێت، پاڵ به‌ هه‌مووانیشه‌وه‌ ده‌نێت، كه‌ پێوه‌ی په‌یوه‌ست بن و له‌گه‌ڵیدا بگونجێن.


-گرنگیی كوردستان، هه‌روه‌ها خه‌بات و تێكۆشانی ئه‌وانه‌ی له‌سه‌ر خاكه‌كه‌یدا ده‌ژین.


-ئه‌م كتێبه‌، وێنه‌ی دیكه‌ش ده‌خاته‌ روو، له‌ رێی ژیننامه‌ی پاڵه‌وانانی ئه‌و بیره‌وه‌رییه‌وه‌، هه‌ڵبه‌ت هه‌ڵه‌یه‌ ئه‌گه‌ر دیكتاتۆر وه‌ك گشت لێی بڕواندرێت، كه‌ له‌ بنه‌ڕه‌تدا دیكتاتۆر له‌ نه‌ته‌وه‌كه‌یدا قه‌تیس نه‌كرێت، به‌ واتای ئه‌وه‌ی ده‌بێت دیكتاتۆر و ژینگه‌ی وڵات و مه‌زهه‌به‌كه‌ی، له‌ یه‌كدی جیا بكه‌ینه‌وه‌.


-گه‌لێك وێنه‌ی دیكه‌ش هه‌ن، كه‌ له‌م وتاره‌دا ده‌رفه‌تی هه‌ڵوه‌سته‌كردن له‌ ئاستیاندا نییه‌.


هه‌ڵبه‌ت برای نووسه‌ر، كه‌ له‌ هه‌مان كاتدا سه‌رنووسه‌ری هەفتەنامه‌ی (باس)یشـه‌، پێم وایه‌ ئه‌و نه‌ك هه‌ر خولیای كاری تایبه‌تمه‌نده‌، به‌ڵكوو ئه‌و له‌ رووی داڕشتن و چۆنیه‌تیی به‌كاربردنی هه‌ر جومگه‌ و ده‌رفه‌تێك بۆ به‌رژه‌وه‌ندیی پرسی کوردستانەکەشی، كه‌سێكی كارامه‌یه‌.


نووسه‌ر، زۆر به‌ كارامه‌یی سه‌ركه‌وتوو بوو له‌وه‌ی له‌ رێی بیره‌وه‌ریی زیندانییه‌كی سیاسی و واقیعێكی ئاڵۆزی كوردستانییه‌وه‌، گوزارشت له‌ ره‌وشی كوردستان بكات. له‌ كاتی قسه‌كردن له‌باره‌ی زیندانه‌وه‌، به‌رهه‌م عه‌لی ته‌نیا به‌ پێشكه‌شكردنی وێنه‌یه‌كی راسته‌قینه‌ له‌باره‌ی زیندانه‌وه‌ با‌سی لێ نه‌كردووه‌. له‌ باسكردنی ئه‌و زیندانییه‌ش وێنه‌یه‌كی ئه‌وتۆی پێشكه‌ش كرد، وه‌ك ئه‌وه‌ی زوڵمی سه‌رده‌مێكی مێژوویی له‌ ژیننامه‌ی گه‌نجێكی ئاشووریدا چڕ بكاته‌وه‌، به‌م جۆره‌ وێنه‌ی رۆڵه‌كانی كوردستان به‌ چڕی پیشان ده‌دات.


به‌رهه‌م عه‌لی، نووسه‌رێكی ئاسایی نییه‌، ئه‌و رۆژنامه‌نووسه‌ش نییه‌، كه‌ بابه‌ته‌كه‌ی له‌ روانگه‌ی گفتوگۆی بابه‌تێكی خه‌ست و خۆڵی رۆژنامه‌وانییه‌وه‌ بخاته‌ روو، به‌ڵكوو ئه‌و له‌و كتێبه‌یدا روونی كرده‌وه‌، كه‌ رۆژنامه‌نووس ده‌توانێت رۆڵی خۆی له‌ خزمه‌تكردنی پرسگه‌لێكدا هه‌بێت كه‌ هه‌رده‌م به‌ هه‌ڵواسراوی ماونه‌ته‌وه‌.


پرسی كوردستان هه‌ر په‌یوه‌ست به‌ چه‌وساندنه‌وه‌ی كورده‌وه‌ نییه‌، به‌ڵكوو بێ چاره‌سه‌ر مانه‌وه‌ی ئه‌و پرسه‌ واتای ئه‌وه‌یه‌، كه‌ هه‌رچی زینده‌وه‌ری سه‌ر رووی كوردستان هه‌یه‌، به‌ زیندانی مانه‌وه‌یانە، به‌وه‌ی كه‌ به‌ زنجیری رق و كینه‌ و ملهوڕی به‌ستراونه‌ته‌وه‌.


به‌رهه‌م عه‌لی رۆشنایی خستووه‌ته‌ سه‌ر زۆر گۆشه‌ی شاراوه‌ی رۆژگاری خه‌بات، به‌بێ ئه‌وه‌ی پێگه‌ی (سه‌رچنار) له‌ هه‌ستی نائاگای نه‌ته‌وه‌یی و پیشه‌ییانه‌ی خۆی فه‌رامۆش بكات.


هه‌ڵبه‌ت، زۆر كه‌م هه‌ڵكه‌وتووه‌، كه‌ رۆژنامه‌نووسێك دیمانه‌ و گفتوگۆیه‌كی رۆژنامه‌وانی بكاته‌ كتێب، ئه‌و به‌ پشتبه‌ستن به‌ ده‌قی گفتوگۆیه‌كه‌، وێنه‌ی مێژوویه‌كی خستووه‌ته‌ روو، چ به‌ دیوه‌ ره‌شه‌كه‌ی، كه‌ ته‌ژییه‌ له‌ چه‌وساندنه‌وه‌ و سه‌ركوت و ملهوڕی، یان به‌ دیوه‌ سپییه‌كه‌ی، كه‌ پێكه‌وه‌ژیان و هاوكارییه‌. له‌نێوان هه‌موو ئه‌و شتانه‌ش، خزمه‌تكردنی پرسی نه‌ته‌وه‌كه‌ی، روونیشی كردووه‌ته‌وه‌، كه‌ چۆن خه‌ڵكانیك هه‌ن خه‌ون به‌ نیشتمانێكه‌وه‌ ده‌بینن، كه‌ له‌ ناخدا هه‌ر وه‌ك (چاكه‌ شاره‌).


ماوه‌ته‌وه‌ بڵێین، زێده‌ڕۆیی نییه‌، كه‌ پێمان وایه‌ كتێبێكی له‌م جۆره‌ نه‌ك هه‌ر له‌ گۆشه‌ی (ده‌وڵه‌مه‌ند)كردنی كتێبخانه‌ی كوردی و عه‌ره‌بییه‌وه‌ باس ده‌كرێت، به‌ڵكوو ده‌كرێت وه‌ك شتێكی (دانسقه‌) بخرێته‌ سه‌ر ره‌فەی پان و پۆڕییانه‌وه‌، هه‌ر بۆیه‌ ده‌بینین (باس) سپۆنسه‌ری ئه‌م كاره‌ گه‌وره‌یه‌ بوو، به‌وه‌ی هه‌م كتێبه‌كه‌، هه‌میش نووسه‌ره‌كه‌ی، شایانی ئه‌و بایه‌خپێدانه‌ن. نابێ ڕۆڵی نووسەر و ڕۆژنامەوان تاریق کارێزیش لەیاد بکەین کە بە شێوەیەکی نایاب ئەم کتێبەی وەرگێڕاوەتە سەر زمانی عەرەبی
پیرۆزه‌ كاك به‌رهه‌م.. پیرۆزه‌ ده‌زگای (باس).. بژی ئازادی.


باسنیوز 

AM:03:37:20/07/2019