دوو رۆژنامەنووسی دیاری كوردستان (گەرمیانی حەمەی پورو و وریا حەمە كەریم)، لە راپۆرتێكی رۆژنامەگەریاندا باس لە یاسای ژمارە (11)ی ساڵی 2013 (یاسای مافی دەستكەوتنی زانیاری لەهەرێمی كوردستان)، كە 11 ساڵە هاوڵاتیان بە گشتی و رۆژنامەنووسان بە تایبەتی چاوەڕوانی جێبەجێكردنی دەكەن.

مافی زانیاری لەبەندی 19ی جاڕنامەی گەردوونی مافی مرۆڤ، لە ماددەی 19ی پەیماننامەی نێودەوڵەتی بۆ مافە مەدەنی و سیاسییەكان دیاریكراوە، هاوكات ماددەی 10 لە رێكەوتننامەی نەتەوەیەكگرتووەكان بۆ بەرەنگاربوونەوەی گەندەڵی ئاماژەی پێكراوە. 

‎ بێگومان هەر حكومەتێك زانیاری و بەڵگەنامە و ئاماری رەسمی نەكاتە خزمەتی هاوڵاتیان و میدیا و ڕێكخراوەكانی كۆمەڵی مەدەنی و پسپۆران، ئەوا پرۆسەی بەگژدا چوونەوەی گەندەڵی  قورس ‌و ئاڵۆز دەكات، چونكە بەهۆی شاردنەوەی زانیاری لەهاوڵاتیان و میداكاران، نەتوانراوە بەشداری چالاكانە بكرێت لەئاشكراكردنی دۆسیەكانی گەندەڵی. 

دیاری محمد بەڕێوەبەری سەنتەری میترۆ گفتوگۆیان لەگەڵ دەكات.