رۆژی دووشەممە، 2ی ئەیلوول، بەشداربووم لە خولێكی ڕاهێنان بە ناونیشانی (بەهێزكردنی دەنگی كۆمەڵگەی مەدەنی و هاوبەشی لەسەر مافەكانی مرۆڤ و ژینگە لە عێراقدا) كە لەلایەن (ڕێكخراوی مەسەلە بۆ پەرەپێدانی توانا مرۆییەكان) رێكخرابوو.
مامۆستا و پسپۆڕی بەتوانا و خاوەن ئەزموون لە باروودۆخی هەرێم و عێراق پێشكەشكاری ئەم ڕاهێنانە بوون.
لەو خولەدا بە شێوەیەكی پراكتیكی ئامادەبوان بابەتی هەڵمەتی داكۆكیكردن و هەڵدەبژاردو پاشان پێشكەشییان دەكرد، كە بابەتی جۆراوجۆر بوون، پەیوەندییان بە پاراستنی ژینگە و ئازادییە مەدەنییەكانەوە هەبوو.
وانەكان دەربارەی داڕشتنی پەیامی داكۆكیكردن و دیاریكردنی چالاكییەكان و چۆن پەیامێكی داكۆكیكاری كاریگەر دابڕێژرێت.
سوپاس بۆ ڕێكخراوی مەسەلە AL-Mesalla.
سێوە سیروان