16ی ئازار، 2025، كونسوڵی گشتیی بەریتانیا لە هەولێر، ئاندرو بیزلی سەردانی ئۆفیسی سەرەكی سەنتەری میترۆی كرد لەشاری سلێمانی.
رێكخەری میترۆ بە گەرمی بەخێرهاتنی كونسڵ و تیمی كونسڵخانەی كرد، سوپاسی ئاندرو بیزلی كرد كە لە رۆژی دەستبەكاربوونییەوە لە هەرێمی كوردستان، ئەمە دووهەمین جار لەگەڵ میترۆدا كۆدەبێتەوە.
كۆبونەوەكە دەرفەتێك بوو بۆ گفتوگۆیەكی بەسوود و بنیاتنەر لە بارەی ژینگەی كاری رۆژنامەگەری لە هەرێمی كوردستان و دەفەرت و ئاستەنگەكانی بەردەم ئازادی رۆژنامەگەری.
كونسوڵی گشتیی بەریتانیا لە هەولێر، ئاندرو بیزلی، خۆشحاڵی خۆی بۆ گفتوگۆی بەسوودی لەگەڵ تیمی میترۆ دەربڕی و هیوای خواست میترۆ و تۆڕی هاوپەیمانی 19 بەردەوام بن لە چاودێریكردنی ئازادی بیروڕاو رۆژنامەگەری بە ئامانجی فراوانكردنیان.