بەڕێز دكتۆر بەرهەم ئەحمەد صالح
بەڕێزان بەشی كوردی دەنگی ئەمریكا
بەداخەوەین بۆ كۆچی دوایی میدیاكاری دیارو بە توانا ( بەڵێن ساڵح) بەم بۆنە خەمناكەوە سەرخۆشیتان لێدەكەین ، داوای سەبوری بۆ ئێوەی بەڕێز و سەرجەم هاوڕێ و كەسوكاری دەكەین.
میدیاكار بەڵێن ساڵح بەشێكی تەمەنی لە بەشی كوردی دەنگی ئەمریكا بۆ دۆزی رەوای گەلی كوردستان و خەون و ئازارەكانی تەرخانكردبوو، هەموو ئەوانەی چاودێری كارەكانیان كردوە، خەمبارن بۆ لە دەستدانی ئەو توانا زیندوە.
بە كۆچی لەناكاوی كاك بەڵێن، خێزانی رۆژنامەگەری كوردستانی، ئەندامێكی كاراو پیشەگەرو دڵسۆزی لە كیس چوو، هاوبەشی خەمتانین، دوا ناخۆشیتان بێت.
سەنتەری میترۆ
سلێمانی، هەرێمی كوردستان
31ی ئازاری 2025