سەنتەرى میترۆ بۆ داکۆکیکردن لە مافى ڕۆژنامەنوسان









سه‌نته‌ری میترۆ بۆ داكۆكیكردن له‌ مافی ڕۆژنامه‌نوسان له‌ ساڵی 2009 له‌ لایه‌ن كۆمه‌ڵێك ڕۆژنامه‌نوسه‌وه‌ به‌هاوكاری په‌یمانگای رۆژنامه‌وانی جه‌نگ و ئاشتی دامه‌زرا و له‌ سه‌ره‌تای دروستبونییه‌وه‌ تا ماوه‌ی ساڵێك ئه‌و په‌یمانگایه‌ هاوكاری سه‌نته‌ره‌كه‌ی ده‌كرد. 

له‌ 2010/7/18 له‌ شاری هه‌ولێر سه‌نته‌ری میترۆ یه‌كه‌م كۆنفرانسی خۆی سازكرد و تیایدا ده‌سته‌ی به‌ڕێوه‌بردن و ئه‌نجومه‌نی به‌ڕێوه‌بردن هه‌ڵبژێردران، هه‌ر له‌و كۆنفرانسه‌دا هاوبه‌شی كاركردن له‌گه‌ڵ روانگه‌ی ئازادییه‌ رۆژنامه‌وانییه‌كان (JFO) راگه‌یه‌ندراو ئه‌نجومه‌نی به‌ڕێوه‌بردنی گشتی هه‌ڵبژێردران. سه‌نته‌ری میترۆ له‌سه‌ر ئاستی هه‌رێمی كوردستان كارده‌كات و روانگه‌ی ئازادییه‌ رۆژنامه‌وانییه‌كانیش له‌سه‌ر ئاستی شاره‌كانی تری عێراق.

میترۆ به‌ پێی یاسای ژماره‌ (1)ی ساڵی 2011 تایبه‌ت به‌ رێكخراوه‌ ناحكومییه‌كان له‌ هه‌رێمی كوردستان، تۆمار كراوه‌و مۆڵه‌تی یاسایی له‌ حكومه‌تی هه‌رێمی كوردستان وه‌رگرتوه‌.
میترۆ له‌ كانونی دوهه‌می ساڵی 2015، 2017 سه‌رله‌ نوێ ده‌سته‌ی كارگێڕی و به‌ڕێوه‌به‌ری هه‌ڵبژاردۆته‌وه‌، دیاری محمد وه‌ك به‌ڕێوه‌به‌ر هه‌ڵبژێردرا.

میترۆ له‌ كاتی دامه‌زراندنییه‌وه‌ شه‌ش راپۆرتی سالاَنه‌ی له‌سه‌ر ره‌وشی ئازادی رۆژنامه‌نوسی له‌ هه‌رێمی كوردستان بلاَوكردۆته‌وه‌. 

سه‌نته‌ری میترۆ له‌ ساتی دروستبونییه‌وه‌ چه‌ندین پرۆژه‌ و چالاكی به‌هاوكاری له‌گه‌ڵ ڕێكخراوه‌كانی (IWPR) و (IMS)ی دانماركی و (NPA)ی نه‌رویجی و (DHRD) به‌ئه‌نجامگه‌یاندووه‌ له‌پێناو زیادكردنی مه‌وداكانی ئازادی راده‌ربڕین له‌ هه‌رێمی كوردستان و كه‌مكردنه‌وه‌ی پێشێلكارییه‌كان به‌رامبه‌ر به‌ڕۆژنامه‌نوسان تا كاتی سفركردنه‌وه‌ی.
 
 
ئامانجی سه‌نته‌ری میترۆ خوڵقاندنی كه‌شێكی گونجاوه‌ بۆ كاری رۆژنامه‌نوسی له‌هه‌رێمی كوردستان به‌ پشتبه‌ستن به‌ جێبه‌جێكردنی یاسایی كاری رۆژنامه‌نوسی ژماره‌ 35ی ساڵی 2007 ی هه‌رێمی كوردستان كه‌ له‌ لایه‌ن په‌رله‌مانی كوردستانه‌وه‌ په‌سه‌ندكراوه‌و سه‌رۆكی هه‌رێم  ئیمزای كردووه‌.
نانیشانی ئۆفیسی سه‌ره‌كی
سلێمانی، گه‌ڕه‌كی شۆڕش
ته‌لاری بازاڕی زارا، نهۆمی 4، شوقه‌ی ژماره‌ 42
بۆ په‌یوه‌ندیكردن
به‌شی تۆمار: 0770807999
په‌یوه‌ندییه‌كانی ده‌ره‌وه‌: 07701528887
ئیمه‌یل: metrocenter2009@gmail.com
پێگه‌ی ئه‌لیكترۆنی : www.metroo.org