گرێبه‌ستی‌ سه‌رجه‌م كارمه‌نده‌كانی‌ كه‌ناڵی‌ KNN هه‌ڵوه‌شێنرایه‌وه‌
AM:09:44:07/02/2018

میترۆ، سلێمانی‌ 
گرێبه‌ستی‌ سه‌رجه‌م كارمه‌ندانی‌ كه‌ناڵی‌ KNN هه‌ڵوه‌شێنرایه‌وه‌. 

به‌پێی‌ نوسراوێك كه‌ واژۆی‌ د. ئاكۆ حه‌مه‌ كه‌ریم به‌ڕێوه‌به‌ری‌ گشتی‌ كه‌ناڵی‌ KNN له‌سه‌ره‌ و وێنه‌یه‌كی‌ ده‌ست میترۆ كه‌وتووه‌، بڕیاردراوه‌ كه‌ گرێبه‌ستی‌ سه‌رجه‌م به‌ڕێوه‌به‌ر و به‌رپرسی‌ به‌شه‌كان و كارمه‌ندانی‌ ئه‌و كه‌ناڵه‌ هه‌ڵبوه‌شێته‌وه‌ به‌هۆی‌ راگرتنی‌ په‌شخی‌ كه‌ناڵه‌كه‌وه‌.  

هه‌رله‌ نوسراوه‌كه‌دا سوپاسی‌ سه‌رجه‌م كارمه‌ندان و رۆژنامه‌نووسان و په‌یامنێره‌كانیان ده‌كات كه‌ له‌ماوه‌ی‌ رابردوودا به‌رده‌وام بوون له‌ كاره‌كانیان. 

ده‌قی‌ نوسراوه‌كه‌: 


 فه‌رمانی‌ كارگێڕی‌ 
به‌پێی‌ ئه‌و ده‌سه‌ڵاتانه‌ی‌ پێمان دراوه‌ بڕیارماندا به‌: 

هه‌ڵوه‌شاندنه‌وه‌ی‌ گرێبه‌ستی‌ سه‌رجه‌م كارمه‌ند و به‌ڕێوه‌به‌ر و به‌رپرسی‌ به‌شه‌كانی‌ كه‌ناڵی‌ KNN به‌هۆی‌ راگرتنی‌ په‌خشی‌ كه‌ناڵه‌كه‌مانه‌وه‌. 
لێره‌دا به‌پێویستی‌ ده‌زانین كه‌ سوپاسی‌ هه‌وڵ و ماندوبون و شه‌ونوخونی‌ یه‌كه‌به‌یه‌كه‌ی‌ كارمه‌ند و ڕۆژنامه‌نوس و په‌یامنێرانی‌ كه‌ناڵه‌كه‌مان بكه‌ین كه‌ له‌ماوه‌ی‌ رابردودا به‌رده‌وامبون له‌ كاره‌كانیاندا و ده‌ستی‌ ماندووبونیان ده‌گوشین.