میترۆ، نەوا
دەزگاكانی راگەیاندنی ئەمریكا بڵاویانكردەوە، تۆڕی كۆمەڵایەتی تویتەر 5 هەزار ئەكاونتی ئۆتۆماتیكی سەربە دۆناڵد ترامپ سەرۆكی ئەو وڵاتەی داخستوە، كە كاریان تەنها رەخنەگرتن بووە لەراپۆرتەكەی مۆلەر سەبارەت بەتێوەگلانی روسیا لەهەڵبژاردنی سەرۆكایەتی 2016ی ئەو وڵاتە.
بەپێی راپۆرتە رۆژنامەوانیەكان، تویتەر 5 هەزار ئەكاونتی داخستوە، كە پەیوەندییان بەچەندین ئەكاونتی ترەوە هەبووە و كاریان هەڵمەتی پشتگیریكردنی سعودیە بوە.
ئەو 5 هەزار ئەكاونتە داخراوە ئۆتۆماتیكی بون و تەنها چەند پۆستێكی پێشوویان هەبووەو كاریان رەخنەگرتن بووە لەراپۆرتی تایبەت بەتێوەگلانی روسیا لەهەڵبژاردنەكانی 2016ی سەرۆكایەتی ئەمریكا.
لای خۆیشیەوە وتەبێژی كۆمپانیای تویتەر ئاماژەی بەوەداوە، تویتەر بەتۆمەتی فێڵكردن ئەو ئەكاونتانەی داخستوە و ئەوەش پێشێلكردنی یاساكانی بەكارهێنانی تۆڕە كۆمەڵایەتییەكەیە، تائێستاش لێكۆڵینەوە لەو ئەكاونتانە بەردەوامن، بەڵام ئەو لایەنانەی لەپشت ئەو هەڵمەتەوەن دیار نییە كێن.