"بەمنزیکانە ماڵپەڕه‌ سێكسییه‌كان لە هەرێم فلتەر دەکرێن"
AM:11:24:15/05/2019



میترۆ، زەمەن 

عه‌بدوڵڵا مه‌لا سه‌عید وه‌یسی، سەرۆکی یەکێتی زانایانی ئاینی ئیسلامی کوردستان ئاشکرایکرد: یەکێتییەکەیان لەگەڵ داواکاری گشتی و وەزارەتی گواستنەوەو گەیاندن نزیکبوونەتەوە لەوەی ماڵپەڕە سێکسیی و پۆڕنۆکان قەدەغە بکرێن یان فیلتەر بکرێن. 

لە دیدارێکدا لەگەڵ "زەمەن" سەرۆکی یەکێتی زانایانی ئاینی ئیسلامی دەڵێت: له ‌هه‌وڵی به‌رده‌وامداین بۆ قه‌ده‌غه‌كردنی ئه‌و ماڵپەڕانه‌ چونكە‌ كاریگه‌ری خراپیان هەیە له‌سه‌ر په‌روه‌رده‌كردنی منداڵان و هه‌رزه‌كارانمان، لەمبارەیەوە ئێمه‌ش به‌رده‌وامین و تا ده‌گه‌ینه‌ چاره‌سه‌رێكی بنه‌ڕه‌تی‌.  

وتیشی" له‌گه‌ڵ داواكاری گشتی و وه‌زاره‌تی گواستنه‌وه‌و گه‌یاندن و كۆمپانیاكانی بواری ئینته‌رنێت له‌سه‌ر خه‌تین كه‌ قه‌ده‌غه‌ یان فلته‌ر بكرێن. چونكه‌ ناكرێت بەمجۆرەی ئێستا‌ هه‌موو كه‌سێك بێ هیچ فلته‌رێك تەماشایان بکات‌.  دەقی چاوپێکەوتنەکە لە بەشی دیمانەدا بڵاوکراوەتەوە.