كه‌ركوك: رێگری‌ له‌ تیمی‌ رۆژنامه‌وانی‌ ئێن ئاڕتی‌ ده‌كرێت
AM:10:38:11/06/2019


میترۆ، NRT


به‌مه‌به‌ستی‌ روماڵی‌ گڕگرتنی‌ بۆرییەکی نەوت لەسەر ڕێگای سەرەکی نێوان کەرکوک ـ سلێمانی، له‌ پارێزگای‌ كه‌ركوك له‌لایه‌ن هێزه‌ ئه‌منیه‌كانه‌وه‌ رێگری‌ له‌ تیمی‌ رۆژنامه‌وانی‌ كه‌ناڵی‌ ئێن ئاڕتی‌ و چه‌ند كه‌ناڵی‌ دیكه‌ كرا.  

پەیامنێری ئێن ئاڕ تی ڕایگەیاند، لە کاتی ڕووماڵی ڕووداوەکە و گڕگرتنی‌ بۆرییە نه‌وته‌كه‌ هێزە  ئەمنییەکان ڕێگەیان نەدا  تیمی ئێن ئاڕ تی لە نزیکەوە وێنە بگرێت و روماڵ بكات. 

ئه‌و په‌یامنێره‌ی‌ ئێن ئاڕتی‌ ئه‌وه‌شی‌ خسته‌ڕوو كه‌، بۆ ماوه‌یه‌ك هێزه‌ ئه‌منیه‌كان ده‌ستیان به‌سه‌ر كامێرا و كه‌لوپه‌له‌ رۆژنامه‌وانیه‌كانماندا گرت. 


وتیشی‌: هێزه‌ ئه‌منیه‌كان رێگریان له‌چه‌ند كه‌ناڵێكی‌ دیكه‌ش كردووه‌ كه‌ روماڵی‌ ئه‌و رووداوه‌ بكات.