كۆتا ڕۆژی‌ دیداری‌ مێری

میترۆ
ئەمڕۆ چوار شه‌ممه‌ 6ی‌ تشرینی‌ دووهه‌می‌ 2019، له‌ شاری‌ هه‌ولێر كۆتا رۆژی‌ دیداری‌ مێرییه‌.

دیداره‌كه‌ به‌سپۆنسه‌ری‌ میدیای‌ كوردستان 24 و له‌لایه‌ن ئینستیتیوتی مێری ئەنجامدرا، هه‌ر له‌ دیداره‌كه‌دا سه‌رۆكی‌ هه‌رێمی‌ كوردستان و سه‌رۆكی‌ حكومه‌ت و چه‌ندین به‌رپرسی‌ باڵای‌ عێراق و جیهان و چه‌ندین رۆژنامه‌نووسان به‌شداریان تێداكرد.

د. دلاوەر عەلادین، سەرۆکی ئینستیتیوتی مێری، لە لێدوانێکدا بۆ کوردستا24 رایگەیاند، مەبەستمانە سیاستەمەدار و کاربەدەستانی ناوچەکە بە دیالۆگ بگەنە چارەسەر.

راشیگەیاند، مەبەستمانە کاربەدەستان لێرە باس لە هۆکاری ئاڵۆزیی و کێشەکان بکەن و هۆکار و چارەسەرییەکانی دەستنیشان بکەن.

ئاماژەی بەوەش دا، لە پانێڵی یەکەمی رۆژی‌ دیداره‌كه‌دا، باس لە دۆخی ئێستای عێراق كرا و دواتریش ئێستاش باس لە رۆڵی هێزە هەرێمایەتییەکان و دۆخی ئاوارەکان دەکەین.

سەرۆکی ئینستیتیوتی مێری وتیشی، لە دیدارەکەدا باس لە رۆڵی حکوومەتی هەرێمی کوردستان لە ئاڵۆزییەکانی ئێستا دەکرێت.

دیداره‌كه‌ دیداره‌كه‌ له‌ ژێر ناوونیشانی "كۆتاییهێنان بە جەنگ و بردنەوەی ئاشتی لە رۆژهەڵاتی ناوەڕاست" به‌ڕێوه‌چوو.