بەهۆی خراپ بەکارهێنانی تۆڕە کۆمەڵایەتییەکان کەسێک لە سلێمانی دەستگیر کرا
میترۆ، K24
پۆلیسی سلێمانی کەسێکی دەستگیركرد كە لە رێگەی تۆڕە كۆمەڵایەتییەكانەوە تەشهیر و ناوزڕاندنی بەچەند هونەرمەندێك كردبوو.
بەگوێرەی راگەیەندراوێکی پۆلیسی سلێمانی: "دوای ئەوەی چەند هونەرمەندێك سكاڵا لەسەر تۆمەتباری نادیار تۆمار دەكەن كە لە رێگەی تۆڕی كۆمەڵایەتییەوە ناویانی زڕاندووە، مەفرەزەكانی بنكەی پۆلیسی كوردستان لێكۆڵینەوەكانی دەستپێكردوو دوای بەدواداچوونێكی ورد و ئاشكراكردنی تۆمەتبار، توانرا (م ، أ ، ج ) لەدایكبووی 1992 دانیشتوی شاری هەولێر لەشاری سلێمانی دەستگیربكرێت".
ئاماژە بەوەشکراوە: "لە ئێستادا تۆمەتبار بە فەرمانی بەڕێز دادوەرو بەپێی ماددەی 2ی خراپ بەكار هێنانی ئامێرەكانی پەیوەندی ڕاگیراوەو لێكۆڵینەوە لەگەڵیدا بەردەوامە".
AM:10:22:07/11/2019
ئه‌م بابه‌ته 44
جار خوێنراوه‌ته‌وه