به‌وێنه‌: میترۆ ئاماری‌ پێشێلكارییه‌كانی‌ ساڵی‌ 2019ی‌ به‌رامبه‌ر به‌ رۆژنامه‌نووسان راگه‌یاند

میترۆ
سەنتەری میترۆ ئاماری پێشێلكاریی بەرامبەر بەرۆژنامەنووسان و دەزگاکانی راگەیاندن بڵاوكردەوە و رایگەیاند ساڵی 2019 ، 231 پێشێلکاری بەرامبەر 209 رۆژنامەنووس و دەزگای راگەیاندن كراوە.

ئەمڕۆ شەممە 11ی 1ی 2020، سەنتەری میترۆ بۆ داکۆکی لە مافی رۆژنامەنوسان بەدروشمی ئازادی رۆژنامەگەری لەنێوان جورئەتی پێشێلكاران و چاوپۆشی دادگەریدا، ئاماری پێشێلكاریی دژی رۆژنامەنووسان بڵاوكردەوە و رایگەیاند، لە ساڵی 2019 دا 124 رێگری روماڵكردن و 4 هێرش و تەشویشی ئەلیكترۆنی و 22 لێدان و هەڕەشە و سوكایەتی و 13 زەوتكردنی كەلوپەلی رۆژنامەوانی كراوە.

هەر بەپێی ئامارەکەی سەنتەری میترۆ، یەك رووداوی تەقەكردن لەماڵی رۆژنامەنووس و یەك حاڵەتی سوتاندنی ئۆتۆمبێلی رۆژنامەنووس و 43 راگرتن و دادگایی كردنی رۆژنامەنووسان بەدەر لەیاسای كاری رۆژنامەنوانی و 20 دەستبەسەراكرتن و راگرتن بەبێ بریاری دادگا و 3 داخستن و هەڵكوتانەسەر دەزگای راگەیاندن ئەنجامدراوە.

سەنتەری میترۆ ئاماژەی بەوەش کرد، بەشێک لە کچان و ژنانی میدیاکار لەکاتی کارکردندا ڕووبەڕووی هەراسانکردن بوونەتەوە.

وێنه‌كان: ئیبراهیم فه‌تاح