بەڕێز خاتوو روبار خالید ئەندامی بۆردی سەنتەری میترۆ
بەبۆنەی چلەی باوكی بەڕێزتانەوە (خالید محمد صدیق) بەناوی سەنتەری میترۆ بۆ داكۆكی لەرۆژنامە نووسان، سەرلەنوێ پرسە و هاوخەمی خۆمان بۆ ئێوە و تەواوی خانەوادە بەڕێزەكەتان رادەگەیەنین.
هاوڕێ خالیدی باوكتان ،مرۆڤێكی ماندوو و خاوەن بیركردنەوەیەكی رۆشن بوو بۆ ژیان و بۆ ئینسان،ئەو سەرباری ئەوەی خەباتگێڕێكی نەبەرد و گیانفیدا بوو لەسەردەمی تاریكی دەسەڵاتی بەعس و دواتریش بەو هۆیەوە تاڵاوی زیندانی چەشت و كاریگەری خراپی لەسەر بەجێهێشت،بەڵام هەرگیز بیروباوەڕی ژیاندۆستی و رۆشنفكری بۆ ژیان لەدەست نەداو نمونەیەكی بەرزی خەباتی ئینسان بوو لە پێناو ئازادی و یەكسانی و دادوەری.
كۆچی ناوادەی باوكی بەڕێزتان لەناخەوە ئێمەی هەژاند، هیوادارین ئەمە دوا خەم و ناخۆشی ئێوەو سەرجەم بنەماڵەكەتان بێت
هەزاران سڵاو و دروود بۆ رۆحی بێگەردی هاوڕێ خالید و بۆئێوەش سەبووری و دڵنەوایی.خۆمان بەهاوبەشی خەم و ئازاری ئێوە دەزانین.
سەنتەری میترۆ