دەمێ مروڤ دگەهیتە ژی سنیلەیێ ئانکو قوناغا پێگەهشتنێ دهەمان دەم دا کارکرین ژی دبیتە ئەرک بو هەرتاکەکی کومەلگەهی ل دیڤ هێز و شیانێت وی تاکی ئەفجا ج ئافرەتبیت یاخود زەلام .

جنکی مروڤی پێتڤی یاب کارکرنێ هەی و مروڤ هەرچەندە زورتر کاربکەت دی ژیانا وی باشتر و خوشتر بیت وە هەر چەندە دلسوزانە و ڤیان کاربکەت دی وەلات پێشڤەچوونی بخو ڤە بینیت ڤێجا د هەر کەرتەکیدا بیت . ژبەر وی چەندی وەک رێزەک ل کار و ماندیبینا کرێکارا روژەک تایبەتیا هاتی یە دانا دڤێ روژی دا ل بارا پتری یا وەلاتێن جیهانی ب شێوازێن جودا جودا ئەڤ روژە پیروز دهێتە راگرتن .
د ڤی سەردەمێدا کو ژیان ژلای ئابوری ڤە گەلەک یا زحمەت بوو فشارێت کارکرنێت وەکی هەرەشەیەکێ یە بو سەر هیز و ئارامیا مروڤا . ژبەر ڤێ چەندی رێژەکا بەرچاڤ یا ئافرەتان هاتە گورەپانا کارکرنێ ڤە ژ ئەنجامی وی چەندێدا هندە ژ پالەپەستویت دارایێت خێزانی دهێنە کێم کرن ل دەمەکیدا ئافرەت ژی شان ب شانی زەلامی بو دابین کرنا داهاتین ژیانی و خێزانی کاردکەن .

هەتا ڤێری یا رون و ئاشکرایە و بەرچاڤە بەلی ئەڤا ل ڤێری بەزر و نەدیار ئەڤەیە ئایە ئەڤ ئافرەتا کاردکەت ل دیڤ وان دەمژمێرا کو ئەڤێت بو هاتینە دەست نیشان کرین ژبو کارکرنی . پشتی کو ئەرکی خو جیبەجی دکەت ل کاری خودا و دهێتەڤە بو ماڵ ئەری دشێت وەکی زەلامی پێهناخو ڤەدەت ؟

بێگومان نەخێر جونکی دەمی ئافرەت دهێتەڤە کاری وی گرانتر دبیت کو کەلتور و داب و نەریتین پیاو لاساری یت کریە ئەرکی ئافرەتی . واتە ئافرەت کارمەندە دناڤبەر کارێ مالدا و ژدەرڤە و زاروک بونێ و خودان کرین کو گرانترین کارە د مێژویا مروڤایەتی دا و توانا و هێزەکا زور ژدەست ددەت و هیلاکی بونەکا جەستەی یا ئێک جار زور کو ژبل وی و خودای وی کەس هەست پێناکەت .

زور کێمن ئەو زەلامێت کو ژ غرورا خو دهێنەخاری و هاریکارێ یا هەڤژینا خو دکەن د ئەرکی مالیدا و خودان کرنا زاروکاندا ئەگەر زەلام هندەک ژ کاریت مالی بکەن دی ژیان خوشتر و جوانتر بیت وئافرەت ژی ژ جەستەی ڤە مورالاوی دی جێگیرتر و هاوسەنگتر بیت .

بلا هەردەم بیرا مەبیت مروڤ ب کارکرنی یێ جوانە و کارکرن ژی ب ئافرەتی وە جوانتر و قەشەنگترە .
هەروەک گوتنەکا مەزنا یا هەی دبێژیت
( شولکەری خوبە خوشتڤی خەلکێ بە ) هەروەسا ئیسلام ژی دبێژیت ( العمل عبادە ) یەکسان بوون ژی هەردم ژیانێ جوانتر وەلاتی پێشڤەتر و خوشتر دکەت

-zarikrmanji